Түймебай Әшімбаев атындағы орта мектебінде 15 ақпан – Ауған жерінен Кеңес әскерлерінің шығарылған күніне орай "Ауғанның от жалыны!" тақырыбында кездесу кеші өтті.
Мақсаты-жас ұрпақты ерлікке, ұлтжандылыққа, өз елінің патриоты болуға, Ауған соғысы ардагерімен кездесу арқылы соғыс жайлы мағлұматтар алып, оқушылардың қабілеттерін кеңейту.
Кездесу барысында Қаза болған жауынгерлерді бір минут үнсіздікпен еске алу болды.
"Жас өркен" ансамблінің орындауында күй орындалып, "Анаға хат" көрінісі қойылды. Кездесуде Отан алдындағы борышын адал атқарған, бұл соғысты өз көзімен көрген, куә болған Жұрқабаев Кенен Жұмажанұлы ағамыз Ауған соғысы туралы кең мағлұмат беріп, оқушылармен сұрақ-жауап барысында соғыста болған оқиғалар туралы баяндап берді.
